odx أداة مفتوحة المصدر بنيناها بأنفسنا (الكود على GitHub)، تقرأ كود أنظمة Odoo وتفهمه بدون ما تشغّل Odoo: وين يُستخدم كل حقل، وأي شاشة تتعدّل من وين، ووش الأخطاء اللي ممكن تطيح النظام وقت التثبيت. تشتغل من سطر الأوامر، وكأداة لمساعدات الذكاء الاصطناعي (MCP)، وداخل محرر الكود (LSP)، وفي CI لمراجعة كل تعديل.
الذكاء الاصطناعي يكتب، والمهندس يقود
عشرة من أول اثني عشر تعديل (commit) في المستودع كتبها Claude Code، والمرحلة الأكبر لحالها قرابة 14 ألف سطر في 127 ملف. هذي سرعة ما يوصل لها فريق صغير بالطريقة التقليدية. اللي خلّاها تنجح مو الأداة: الطريقة اللي اشتغلنا فيها معها.
كيف خلّيناه يشتغل بانضباط
- التصميم قبل الكود. كتبنا وثيقة تصميم (RFC) وخطة مراحل (roadmap) قبل أول سطر، فالذكاء الاصطناعي عنده هدف واضح يقيس عليه، مو طلبات متفرقة.
- القياس على كود حقيقي. من أول أسبوع جرّبنا الأداة على كود Odoo 17 نفسه ومعه ثلاث مستودعات من OCA: 733 وحدة (module). كل مرحلة لها رقم يقول إذا تقدّمنا، مو إحساسنا.
- ما تتهم إلا باللي تقدر تثبته. كل معلومة في الأداة معها درجة ثقة: مؤكدة، أو تعتمد على وقت التشغيل، أو ناقصة، أو مجهولة. إذا ما تقدر تشوف شي، تقول كذا بدل ما تخمّن.
- اختبارات بأخطاء مزروعة. لكل قاعدة فحص فيه وحدة صغيرة مزروع فيها الخطأ عمدًا، والاختبار يتأكد إن الأداة تلقاه في نفس السطر، وما تلقى شي في الوحدة السليمة. المشروع فيه أكثر من 400 اختبار.
- اختبارات للهيكل نفسه. اختبارات تمنع الواجهات توصل لداخل المحرّك مباشرة، فالذكاء الاصطناعي ما يقدر «يختصر الطريق» ويخلط الطبقات.
- كتابة اللي ما انجرّب. وصف التغييرات يقول بوضوح وش انجرّب، ووش لسّا يحتاج بيئة حقيقية. ما فيه شي «شكله شغّال».
النتيجة على كود حقيقي
حسب أرقام المشروع على الـ 733 وحدة:
- كل محدّدات الشاشات المورّثة في Odoo انفهمت: 2,261 من 2,261.
- قرابة 148 ألف مرجع مفهرس: وين كل حقل وكل نموذج يُستخدم.
- الفحص الكامل طلّع 61 ملاحظة، بدون اتهام غلط واحد في أصعب نوع من الأخطاء.
- لقت أخطاء حقيقية في وحدات منشورة يستخدمها الناس، مثل وحدة تطلب دوال حساب ما عرّفتها، ووحدات تعتمد على وحدات ثانية بدون ما تعلن عنها.
اللي نطبّقه على منتجاتكم
نفس القواعد اللي خلّت الذكاء الاصطناعي يبني odx بانضباط، نطبّقها على المنتجات اللي تجينا:
- تصميم مكتوب قبل الكود، عشان كل تعديل له هدف.
- أرقام على بيانات حقيقية، مو إحساس إن «شكله شغّال».
- منتج يقول «ما أدري» بدل ما يخمّن، خصوصًا في الدفع والصلاحيات.
- تغيير صغير في كل مرة تقدر تراجعه، والطريقة في درس كيف توقف الدوامة.
- اختبارات تتأكد إنها تكشف الخطأ فعلًا، مو بس تنجح.
إذا منتجك انبنى بالذكاء الاصطناعي وتبي أحد يمر عليه بنفس العين، هذا تدقيق جاهزية الإطلاق. إذا تكمل تبني بالذكاء الاصطناعي كل أسبوع، الشريك الهندسي يراجع التعديلات قبل تنزل.