Vibe coding اسم أطلقه Andrej Karpathy في فبراير 2025 على طريقة بناء صارت عادية: تكتب للذكاء الاصطناعي وش تبي بكلامك، وهو يكتب الكود، وأنت تحكم على النتيجة من شكلها: تشتغل ولا لا. ما تقرأ الكود، وأحيانًا ما تشوفه أصلًا. بالعربي نسمّيه «البرمجة بالذكاء الاصطناعي»، وأشهر أدواته Lovable و Bolt و Replit و v0، و Cursor و Claude Code للي يبي يشتغل داخل الكود نفسه. الفرق بينها في درس مقارنة الأدوات.
وش يسوي زين
- يطلّع لك نموذج أول (prototype) في أيام بدل شهور.
- تجرّب فكرتك على عملاء حقيقيين قبل ما تصرف على فريق.
- الواجهات والصفحات والنماذج: هذي نقطة قوته.
هذا مو شي قليل. كثير من المنتجات الناجحة اليوم بدأت كذا.
وين يتعب
الذكاء الاصطناعي يحكم على شغله بنفس طريقتك: يبان شغّال؟ المشكلة إن أهم الأشياء في المنتج ما تبان على الشاشة:
- مين يشوف بيانات مين. الصفحة تخفي البيانات، بس قاعدة البيانات تعطيها لأي أحد يطلبها. شوف 5 ثغرات في تسجيل الدخول.
- المفاتيح السرية (API keys). تنحط أحيانًا في كود يوصل لمتصفح كل زائر. شوف مفتاح OpenAI انكشف؟.
- النشر (deploy). يشتغل في المعاينة ويطيح على دومينك. شوف يشتغل عندك ويطيح بعد النشر؟.
- الدفع. يشتغل في التجربة، ويضيّع طلبات في الحقيقة. شوف قبل لا تفعّل الدفع.
- النسخ الاحتياطي. موجود على الورق، ومحد جرّب يرجع منه. شوف نسختك الاحتياطية شغّالة فعلًا؟.
ليش ما يبان إلا متأخر
لما تجرّب، فيه مستخدم واحد: أنت. كل شي يشتغل. المشاكل تطلع مع المستخدم الثاني، وأول ريال حقيقي، وأول بوت يزور موقعك، وأول زحمة. اللي ما يبان على الشاشة، الذكاء الاصطناعي ما يتأكد منه إلا إذا طلبت منه بالضبط، وغالبًا ما تعرف إنك لازم تطلب.
يعني vibe coding غلط؟
لا. هو أسرع طريق لنموذج أول، واستخدامه ذكاء. الغلط إنك تفتح المنتج للناس وفلوسهم بدون ما أحد يشوف الأشياء اللي ما تبان. الطريقة الصح: ابنِ بسرعة، وقبل الإطلاق خلّ مهندس يمر على الأجزاء اللي ما تبان.
قبل ما تطلق
ابدأ بـ قائمة التحقق قبل الإطلاق، مجانية وبدون إيميل. شوف المشاكل الأشهر في أداتك. إذا تبي أحد يقرأ منتجك كامل ويقول لك وش يمنع الإطلاق، هذا تدقيق جاهزية الإطلاق.