أعمالك (a3malak.com) منتج بنيناه بأنفسنا، يحوّل محادثات واتساب لطلبات مدفوعة: مساعد ذكاء اصطناعي يرد على عملاء المتجر بالعربي في أي ساعة، ويجهّز الطلبات للفريق، ويربط الدفع والتوصيل والفواتير في نفس المحادثة.
أي منتج فيه ذكاء اصطناعي يكلّم عملاء حقيقيين يواجه نفس الأسئلة: وش يصير إذا اخترع سعر؟ إذا أحد أرسل له ألف رسالة؟ إذا وصل لبيانات ما يحتاجها؟ هذي الحدود اللي صمّمناها له من البداية، وكلها مكتوبة في صفحات المنتج نفسه.
1. يجاوب من بيانات المتجر بس
المساعد ما يرد من معلوماته العامة: يستخدم منتجات المتجر وأسعاره ومخزونه بس. إذا سأل العميل عن منتج غير موجود، ما يخترع له سعر ولا يوعده بشي.
2. يعرف متى يسلّم لإنسان
يحوّل المحادثة لموظف لما يحتاج، وما يسوي استرجاع مبالغ بنفسه أبد. القرارات اللي فيها فلوس راجعة تبقى عند إنسان.
3. الطلب يمر على الفريق
المساعد يجهّز الطلب، والفريق يوافق عليه ويرسله. في الباقة الاحترافية يقدر المساعد يرسل الطلب بنفسه، ضمن حد يحدده التاجر.
4. سقف للإنفاق وزر إيقاف
تكلفة الذكاء الاصطناعي لها رصيد شهري، وحد يومي، وزر يوقف المساعد فورًا. ما فيه يوم يصحى فيه التاجر على فاتورة ما يعرف من وين جت. ليش هذا مهم في درس كم يكلّف تشغيل تطبيقك شهريًا؟.
5. البيانات الشخصية تنخفي قبل ما يقراها
المساعد يقرأ الرسائل بعد ما تنخفي منها الأرقام والبيانات الشخصية، وصلاحيات الموظفين حسب دور كل واحد. هذا جزء من اللي يطلبه نظام حماية البيانات الشخصية.
6. الدفع والفواتير عند جهات مختصة
الدفع بمدى يمر عن طريق ميسّر، المرخّصة من البنك المركزي السعودي، والفواتير الإلكترونية تصدر من منصّة فوترة مربوطة، بدل ما نبني الربط مع هيئة الزكاة من الصفر. نفس النصيحة في درس الفوترة الإلكترونية.
اللي تاخذه لمنتجك
إذا منتجك فيه ذكاء اصطناعي يكلّم عملاءك، اسأل نفس الأسئلة:
- من وين يجيب إجاباته؟ من بياناتك، ولا من خياله؟
- متى يسلّم المحادثة لإنسان؟
- وش القرارات اللي ما يقدر ياخذها لحاله؟
- كم أقصى شي ممكن يصرفه في يوم؟ مين يقدر يوقفه؟
- وش البيانات اللي يشوفها، وهل يحتاجها فعلًا؟
- مين يتحمّل الدفع والفواتير: كودك، ولا جهة مختصة؟
إذا ما عندك جواب واضح لكل سؤال، تدقيق جاهزية الإطلاق يمر عليها كلها قبل ما تفتح منتجك للناس.